शिव गौतम – मुटुनेरिको सिस्नेरी
सिस्नेरी
मेरी जननी, मेरो जन्मभूमि
घाम झुल्कँदाखेरि
घाम अस्ताउँदाखेरि
म तिमीलाई नै सम्झिन्छु
उषा अनि गोधुलिलाई हेरी
कहिले हिलैहिलोको होली खेली
कहिले धुलैधुलोमा धुलिई
म तिम्रा पाखामा तिमी मेरा आँखामा
रमाइ रहन्थ्यौँ सन्सारलाई नै भूली
को सँग जिस्किन्छन् तिम्रा ती झरी
को सँग खेल्छन् अचेल ती खडेरी
सिस्नेरी
तिमी मेरी यसोधा थियौ
म तिम्रो चक्चके कृष्ण अटेरी
परदेशमा गएको छोराछोरीको वेदनाले
आमाको छाती चिरिन्छ भन्छन्
बेलाबेला मेरा आँखाबाट बग्ने भेलले
तिम्रो छातीमा पहिरो जान्छ कि जाँदैन
बेलाबेला म त्यसै उदासिन्छु
तिम्रा पाखालाई कुहिरोले ढाक्छ कि ढाक्दैन
सिस्नेरी
तिमीले मलाई बिस्र्यौ कि
सम्झेकैछौ मैले तिमीलाई सम्झे जस्तै गरी
उमेरमा म जतिसुकै बुढोभए पनि
सिस्नेरी
तिमी मेरो सम्झनामा सँधै तन्नेरी
तिम्रो र मेरो दूरी जतिसुकै बढेपनि
सिस्नेरी
तिमी सँधै मेरो मुटुनेरि ।
Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.