• The damage done by the earthquake in Nepal is heartbreaking. We have collected pictures from the social media in a gallery format. See the earthquake photos here.

Pratima KC – Mero Buddha Ko Deshma Buddha Harayeko Chha

प्रतिमा के.सी. – मेरो बुद्धको देशमा बुद्ध हराएको छ

बुद्धत्व आत्मा हो
बुद्धत्व परमात्मा हो
बुद्धत्व ज्ञानको भण्डार हो
बुद्धत्व अर्धचेतन मनको लगाम हो
बुद्धत्व काम, क्रोध, लोभ र मोहलाई
टुक्र्याउने चैतन्य तरवार हो
बुद्धत्व अन्तरआत्माको ज्योति हो
बुद्धत्व दया र प्रेम हो
अन्तत यी सबैको प्राप्ती
बुद्धत्व हो /

आमा मायादेवीको कोखबाट
पच्चीससय बर्ष पहिले
नेपालको लुम्बिनीमा जन्मिएका
सिद्धार्थ गौतम
राजा शुद्धोधनका छोरा
यशोधराका पति
राहुलका बाबु र
तिलौराकोटका राजकुमार
भारतका गयामा
बोधिसत्व ज्ञान प्राप्तीपछि
सिद्धार्थ गौतमबाट
गौतम बुद्ध
महामानब
महापुरुष
शान्तिका अग्रदुत
भनेर संसारले चिनेको बुद्ध
हाम्रो मनभित्र
हाम्रो तन भित्र छ
हाम्रो राष्ट्रमा छ
अन्तराष्ट्रमा छ
र पनि
मेरो बुद्धको देशमा
बुद्ध हराएको छ /

बुद्ध चिन्न नसक्नेहरु
बुद्ध बेचिरहेका छन
बुद्धका देशका मान्छे भन्नेहरुले
बुद्धको छातीमा बन्दुक पड्काउछन्
बन्दुकको नालमाथि शान्तिको परेवा उडाउछन्
उडेका परेवाहरुलाई
बाज र चिलहरुले
आफ्नो आहारा बनाएर
प्राप्ती ठान्छन
त्यसैले
मेरो बुद्धको देशमा
बुद्ध हराएको छ /

शान्तिका अग्रदुत बुद्धको देश
महाभारतको कुरुक्षेत्र बनेको छ
धृतराष्ट्रका सन्तानहरु बढेर
धर्मराजहरुको बनिबास लगाएका छन्
सकुनीका कपटी पासाहरुले
मनाबबस्तीमा त्रासको आगो सल्काएर
तहसनहस पारेको छ
तेरो र मेरोको पर्खालले
शान्तिको बगैचा भत्काएको छ
मानब मानवको नाता कमजोर भएको छ
त्यसैले
मेरो बुद्धको देशमा
बुद्ध हराएको छ /

अहिंसाका प्रतिक
गौतमबुद्ध नेपालीको अनमोल सम्पति हुन्
बिश्व आकाशका चम्किला तारा हुन
दुखको महासागरबाट
जीबनरुपी डुंगा खियाउदै
पार तर्न मद्धत गर्ने
मार्ग दर्शक हुन्
संसारमा फैलिदै गएको
बुद्ध धर्मका प्रबर्तक हुन्
प्रतिपादक हुन्
तर पनि
मेरो बुद्धको देशमा
बुद्ध हराएको छ /

गौतमबुद्ध तिमी
गुम्बामा
बिहारमा
स्तुपमा
माला जप्दा
माने घुमाउदा
घन्टी बजाउदा
तिमि प्राप्त हुन्छौ हुदैनौ
मलाई थाहा छैन
तर
तिम्रो बुद्धत्व
हरेक आत्मामा
ज्योतिस्वरूप चम्केको हुनुपर्छ
यस्ता आत्माहरुको देश
तिम्रो जन्मभूमिमा
शक्तिको लडाईं छ
विचारको लडाई छ
अतिनिम्न बिषयमा
बादबिबाद र प्रतिष्पर्धा छ
ज्यामितीय तरिकाले अशान्ति फैलिएको छ
बालदेखि बृद्धसम्म
घरदेखी सरकारसम्म
बेइमान बढेको छ
मानबमनहरुलाई
अशान्तिको जातोले पिसिरहेको छ
मेरो बुद्धको देशमा
बुद्ध हराएको छ /

हे महामानब
मानबजातिको सृस्टिको संरक्षण गर्न
तिमि फेरी फर्किनु पर्छ
मेरो देशमा जन्मिनुपर्छ
तिमी हरेक धर्म र भाषामा परिभाषित हुनुपर्छ
हर मानब मनमा
तिमीले पुर्जन्म लिनु पर्छ
मानब हृदय तिम्रो बुद्धत्वले धोई पखाली गरेर
दया र प्रेम जगाउनु पर्छ
हामी सबै तिम्रा सन्ततिहरु
तिमीलाई पढ्न पाउनुपर्छ
बुझ्न पाउनु पर्छ
सारा संसारले छुन पाउनु पर्छ
तिमी छिट्टै फर्किनु पर्छ
जसरी भएपनि जन्मिनु पर्छ
किनकी
मेरो बुद्धको देशमा
बुद्ध हराएको छ /

Number of Views for this Poem:1003

Pratima KC – Yo Shahar Ma

प्रतिमा के.सी.- यो शहरमा

यस्तै यस्तै अनौठो हुन्छ यो शहरमा
ढुंगा पनि पग्लिइ रुन्छ यो शहरमा

गगनचुम्बी महलले एकै रातमा
खाली खाली आकाश छुन्छ यो शहरमा

नियम कानून माथि नै बन्धकी छन
असहायले ब्यथा उन्छ यो शहरमा

रगत आँशु र इमानको पसिनाले
फगत बेइमान धुन्छ यो शहरमा

कसैले हिरामोती सजाउछ गलामा
कोही टालोमा टालो तुन्छ यो शहरमा

मान्छेको भाउ घटेर त होला मान्छेले
चर्को भाउको सुन चुन्छ यो शहरमा

बेचिए राम कृष्ण खालि छ यो मन्दिर
हृदयको कुरा को सुन्छ यो शहरमा

सत्य साँचो मानबता लिलाम भयो कि
साधक षड्यन्त्र बुन्छ यो शहरमा

२७ डिसेम्बर २०११
रेडिंग, बेलायत

Number of Views for this Poem:1207

Pratima KC – Kabita

प्रतिमा के.सी. – कविता

शब्दहरुको कला हो कविता
मनको जिउँदो अनुभूति हो कविता
साहित्यको शसक्त विधा हो कविता
मनको स्वतन्त्र बगैंचा हो कविता
देश र समाजको ऐना हो कविता
त्यसैले

कविता
मन पराउंछु
कविताले Continue reading

Number of Views for this Poem:334

Pratima KC – Yuddha

प्रतिमा के.सी. – “युद्ध”

ऊ जगतकी जननी हो
संसारकी सृष्टीकर्ता हो
हर मानवकी माता हो
जीवन दाता हो
जूनसंग पनि युद्ध छ उसको
घामसंग पनि युद्ध छ उसको
युध्दै युद्धमा जन्मेको उसको जिन्दगी
गिद्धहरु मासु Continue reading

Number of Views for this Poem:36

Pratima KC – Mero Desh Ma (Nepali Gajal)

प्रतिमा के.सी. – मेरो देशमा (गजल)

आजभोलि कुन्नि किन यस्तो गर्छन मेरो देशमा
मानवीय नाताबाट तल झर्छन मेरो देशमा

बन्धकी छ प्रेमभाव कठै! एक निहित स्वार्थमा
मान्छकै हातबाट मान्छे नै मर्छन मेरो देशमा

ब्रमाण्ड नै घर एउटै मानव जाती हुने बेला
सहोदर आफन्त जीवन हर्छन मेरो देशमा

मिसावट मुल्यबृद्धि र के के ले नपुगेर होला
मानव तस्कर गरी झोली भर्छन मेरो देशमा

को आफ्नो बिरानो घरदेखि राज्य संचालकसम्म
बुद्ध बेचेर राक्षस भेष धर्छंन मेरो देशमा

हे भगवान छौ भने कतै गुहार सुनिदेउन
चोर चौतारो साधु शुलिमा पर्छन मेरो देशमा

२६ जनवरी २०१२
बेलायत

Number of Views for this Poem:957

Pratima KC – Prem Diwasle Badhaos Prem (Nepali Gajal)

प्रतिमा के.सी. – प्रेम दिवशले बढाओस प्रेम (गजल)

प्रेम गर्नु प्राकृतिक गुण हो पाप नहोस जीवन
प्रेम दिवसले बढाओस प्रेम श्राप नहोस जीबन

भूगोल र संस्कृतिको घेरामा प्रेम सीमित रहन्न
मानबीय भावना हो यो कुनै नाप नहोस जीबन

बासनाको मृगतृष्णामा नटुंगियोस प्रेम दिवस
जात, धर्म अनि कुनै बर्गमा माप नहोस जीवन

एक मनले अर्को मनलाई ईसारा मै बुझ्ने प्रेम
घायल भएर घावै घाऊको छाप नहोस जीबन

प्रेमी-प्रेमिका, बिबाहित सबै जोडीको प्रेम बढोस
अझै बाँचु हाँसु लागोस पश्चाताप नहोस जीबन

मान्छे मान्छेमा प्रेम रहोस नहोस कुनै बैमनश्य
मानबीय संबेदना बिनाको राप नहोस जीबन

प्रेममय बनोस संसारै स्वागत छ प्रेम दिवस
रातो गुलाब साटेर लिंदा अफाप नहोस जीबन

बेलायत
१३ फेब्रुअरी २०११

(Sent to Sanjaal Corps via Email)

Number of Views for this Poem:3252

Pratima KC – Samaya Ko Khel

प्रतिमा के.सी. – समयको खेल

म समय हुँ
समयको खेल खेल्नु छ
कति खेल्नु पुराना खेलहरु
अब नयाँ खेल फेर्नु छ
त्यसैले
साबधान !
मलाई रोक्ने चेस्टा नगर्नु /

प्रेम शान्तिको प्रतिक हो
घृणा युद्धको बीउ Continue reading

Number of Views for this Poem:1441

Pratima KC – Maya Dekhen Maile (Nepali Gajal)

प्रतिमा के.सी. – माया देखें मैले (गजल)

उनको नजर भित्र किन माया देखें मैले
आँखाबाट जीवनलाई झार्नु रैछ ऐले

प्रित फुल्ने सारा संसार जीत आफ्नै लाग्थ्यो
उनको मेरो मन मुटु एकै भाथ्यो जैले

जीवनभरी Continue reading

Number of Views for this Poem:3406

Pratima KC – Jeevan Mrityu

प्रतिमा के.सी. – जीबन मृत्यु

ईश्वरको बरदान् मानिस जीवन् चैतन्य रुप गरी
मिल्दछ एकदिन् गएर उसैमा उडेर हावा सरी
जन्म मृत्यु बीचमा बग्ने समय त्यही हो हाम्रो जीवन्
भूतकाल र भबिष्य बीचको वर्तमान हो जीवन

बुझिन्छ जीबन् मृत्युका पनि सार आत्मदर्शन गरे
प्राणीहरु सबमा अति उत्तम मानव् जीवन् नै छ रे
नास र अविनासी तत्व मीलि मानब् शरीर बन्दछ
जन्मेर यस धरती मा उसले कसरी त्यो भुल्दछ

रीस राग मोह लोभको खेती गरेर जीवनभर
आउनु छ एक्लै जानु छ एक्लै लानु आखीर के छ र
अमूल्य रतन हो मानीस जीवन् मिल्दैन बारम्बार
पर्दछ जीवन सफल पार्न भए नि भवसागर

जन्मिन्छौ यस धरतीमा जसै बोल्छिन् आमा प्यारले
गर्नु के थियो किन जन्मियौ भुलिदिन्छौं सब साराले
बाबा आमा दाजु भाई बहिनी नाता र कुटुम्ब भनी
गाउँ समाज देश वरिपरी घुमेर बित्छ जीबनी

शैशबकाल सबै बितेर जान्छन् माटोमा खेली खेली
आमा बाबा मामा अनि बुबु पापा सिक्दैमा तोतेबोली
आउँछ बालककाल क ख रा एक दुई सिक्नै पर्ने
थाहै नपाई सिकाउछ यौवनले मायाप्रीति गर्ने

घुम्दछ मानवचक्र जगतमा बालक बृद्ध गरी
बालक फेरी बन्दछ बाबुआमा थपिन्छ जिम्मेबारी
पुरा गर्छु भन्दै कर्तब्यहरु लागेर जीबनभर
नबुझिकनै गुम्दछ यो जीबन पराई हुन्छ घर

बांच्दछौं जतिनजेल, त्यसको आधा निद्रादेबीलाई
बांकी रहन्छ जो हामीलाई संसारमा जीउनलाई
आधामा आधा खेलेर हांसेर गैहाल्छ जीबन फेरी
शेष समय जे रहन्छ उर्बर बनाउँ केही गरी

कहिल्यै नमर्ने म अजम्बरी भनेर गरे नि ढिपी
पापी कालले आएर एकदिन् लैजान्छ टपक्क टिपी
के गर्नु खै तेरो र मेरो जगमा यो मानिसको चोला
मिलेर बसनु हासेरै बोलनु यसैमा बेश होला

न भन्छ उसले बालक युवा न बृद्ध निरोगी पनि
दुखी सुखी लैजान्छ सब्लाई क्षणभरमै गनी गनी
सवार गर्दछ पवन रथमा अदृश्य भई कन
नाता कुटुम्ब धन सबबाट चुडाईदिन्छ जीबन

जब छुट्दछ प्राण देहबाट नीर्जिब् शरीर बन्दछन्
पारी खरानी नदी किनारामा मृत्यु घोषित गर्दछन्
यही सत्य राखेर मनमा सत्यको नजिक रहनु
धुलाई सारा मनका बिकार हृदय पबित्र हुनु

नियमै उसको दुख र सुखमा संझौता गर्दैन त्यो
बाटो नै हो उसको मानब देह टारेर टर्दैन त्यो
लिएपछि जीबन हामीले गर्नै पर्दछ मृत्यु धारण
त्यसैले असल सेवामा गर्नु पर्छ जीबन अर्पण

हाल: बेलायत
१८ डिसेम्बर २०१०

(Sent to Sanjaal Corps via Email)

Number of Views for this Poem:3530

Pratima KC – Kasari Manaun Mothers Day

प्रतिमा के.सी. – कसरी मनाउँ ‘मदर्श डे’

बाल मानसपटलमा
चेतना अंकुराउने बिहानीदेखि
तिम्रो मातृत्वको छ्हारीबाट अपहरित भएर
अधुरा सपना र अपुरा भावनाको
छालहरुमा छचल्किँदै
आँसुको बन्दकीमा परेको
यो जिन्द Continue reading

Number of Views for this Poem:7769