एउटा अनन्त भयदेखि
भयसम्मको बतास गुज्रिरहेछ मेसोपोटामियाको आकाशभरि
आदिम सभ्यतादेखि अहिलेसम्म
साँझहरूसँग निर्लिप्त भएर
यद्यपि पुर्वदेखि पश्चिमसम्मको घाम
फैलिएकै छ त्यहाँ पनि दर्बिलो घाम भएर ।
प्रत्येक काला साँझहरूविरूद्ध
रातो सगरको ज्वाला दन्किरहेकै छ
किनभने त्यहाँ पनि त्यतिकै भइरहेको छ जीवनको कुरा
प्रेमका कुरा
फूल र ममताको कुरा
यद्यपि बालुवा आँधीसँग उडिरहेको कालो र्सप
फैलिएर, बिस्तारित भएर डसिरहेछ घामलाई ।
रातो सागर उठाएर छातीभरि
ती जो उभिए पर्खाल भएर
भत्किए गर्ल्यामगुर्र्लुम र मारिए
एउटा निस्पन्द बतास फैलियो स्पन्द भएर
मेसोपोटामियाको आकाशभरि
रूवाझैँ उडेर, रगतको दिनको उर्दी बोकेर ।
बालुवाको आँधी भएर
खरानीको कथा भनिरहेछ सभ्यताको आदिम देशमा एउटा हावा
नर्मिएर पानीले पनि
बोकेर हिँडिरहेछ रातो सागर ।
करुणा र मानवता
पसिना र थकाइ
आगो र तेलका कुरा
अल्भिmएका छन् निस्पन्द हावामा
यद्यपि इतिहासदेखि नै चलिरहेछ त्यहाँ
सभ्यताको खरानीमा सभ्यता खोज्ने क्रम
क्रुरताभित्र पनि सभ्यता खोज्ने क्रम
रगतको टाटाभित्र पनि सभ्यता खोज्ने क्रम ।
Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.