Ashok Parthib Tamang – Sabhyata Ra Prem

तिमी हराउनु र मैले खोज्नुमा
कस्तो तारतम्यता मिलेछ ?
तिमी युग छेकेर
हाँसेकी रहेछौ ।
मैले परिवेश कन्याँए
तिमी उफ्रियौ कुतकुतिएर ।
कस्तो पुलकित नयनहरू ?
अनि
स्खलित भए भावना गंगाहरू
तिमी भेटिएको अर्थ खोज्नँ ,
तिमी हुनुको फरकपन नियाल्नँ ।

शायद जंजीरको पर्दा च्यातियो
त्यतिखेर हावाले,
ध्वारर्र………
अनि
मैले देखें
तिम्रो लाजहरू,
इतिहास खाएका ध्वजा-पताकाहरू
यसरी नै हल्लिरहेछन् हारेर
मौनतामा
अतृप्त प्यास बोकेर
स्वयंभुको गुम्बाहरूमा,
मस्जिष्दको बलेंसीहरूमा,
मन्दिरको ढोका अघिल्तिर ।

मानौ,
फुट्नँ पाए ‘च्छो रोल्पा’ ताल भएर फुट्नेछन्
अनि बगाउँनेछन् लाजका किरणहरू
प्यासै प्यासले पखालेर
सानो लक्ष्मणरेखामा
चेपिएर
बाँचेका
पुर्ख्यौली मानव नासोहरू ।

उफ ! यो बादलको टुक्रा टुक्रा
हिमालको उचाइ छोएर
तिम्रो मायाको गहिराइ नाप्नँ खोज्छ
बिना संकोच
शायद
तिमी स्विकृतीमा हारेकी छौ ,
यसबेला
मेरै लागी भनेर
त्यसैले त
एक मुठी स्वासलाइ फुरूरूरू
नदिको विभाजन
धारहरूमा बहाइरहेछौ ।

मध्यरातले बैंस सुसेल्दैछ ,
खेतका गह्रा, झुपडी अनि चोटाहरूमा ।
सन्नाटाले जन्माएको
अर्को भाले मयुर
पोथीमयुरको भाका उरेल्छ
खैजँडी झैं बज्ने मनभित्रका सितारहरू,
ट्युनिङ नगरिएको
गिटार र हारमोनियम जस्तै
बेसुरा बजिरहेछ,
तर पनि
मधुहोस् छ वातावरण ।

अभिसिप्त मनहरू
अभिलाशको चारो खोज्न
जंगली बँदेलका हुल जस्तै
बग्रेल्ती निस्कँन्छन्
बिल्कुलै जंगली भएर ।
मनको खोर भत्काएर
स्वतन्त्रतामा बिलिन हुन चाहन्छन्
तर
छेउछाउ जासुस गर्छ
हावाका साँधहरू
अनि भर्छ
भरूवा बन्दुक

तेर्साउँछ निशाना
प्रेमालिङगनमा समर्पित
तिमी र म जस्ता
जोडीहरूलाइ ।

प्रेम सिध्दान्त
पल्टाउँदा
शहिद ?

उफ !
असोचनिय
किन जाग्दैन मान्छे ?
प्रेम,
पापानुभूतिको बिस्कुँन होइन भनेर
अनि
किन खोस्दैनँ बन्दुक ?

सिकाउँदैन
उपहारमा
मुस्कान र मात्र एक बचन
मिठो हेरिदेउ भनेर ।

सधै हारेको खेलाडी जस्तो
कसैले बेस्कनँ चुटेर
थाँङथिलो बनाएको शरीर जस्तो,
हिडींरहेछ यो सभ्यता
नाँङलोमा दुइ चार वटा बिक्री हुँन बाँकी रहेका
लाइटर र चुरोटको बट्टा बोकी
रत्नपार्कको
सब वे हरूमा लुरूलुरू ।

मानौ
धरहरा उभिएर घण्टाघर सितको
प्रेमाकर्षण दृष्यहरूको चाँङमा
रानीपोखरी नापिरहेछ
सुन्धाराबाट टुलुटुलु प्रत्येक रात ।

तपेश्वरी १, उदयपुर, हालः इजरायल

Related Articles:


Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.

Number of Views for this Poem:2435

Ashok Parthib Tamang – Fusion Pratibimba

अचेल
जुलुस गर्न खोज्छ
मेरो सिरानीनेर
एउटा
फ्युजन् प्रतिबिम्व !

बस्ती-बस्तिका इट्टाहरु ,
चोइटिएर भिख माँगीरहेछ ,
खै कस्ले उठाउँनेर ?
बिजुलीका खम्बाहरु !
सावाखोला र ब्वाँजरखोलाहरु
मसानघाट फैलाउने अठोटमा ,
कात्तिकेको भिरहरु बगाँउछ ।
अनि
जुलुस गर्न खोज्छ
मेरो सिरानी नेर
एउटा
फ्युजन् प्रतिबिम्व !

युगका हातहरु
छर्लप्पै हत्केलामा गिँडिंन्दा
आकाशले आगो निल्छु भन्दै
बादललाई बटुलेर
चट्याँङ हिर्काउँछ ।
त्यस पछि
बस्ती बल्छ ,बस्ती बग्छ , बस्ती रुँन्छ
अनि
सहन नसकेर
जुलुस गर्न खोज्छ ।
मेरो सिरानी नेर
एउटा
फ्युजन् प्रतिबिम्व !

बिचारको मझधारमा उभिएर
पुलको सिमा नाँप्नु खोज्दा ,
यथार्थले बगाइ किनारामा तैरिँन्दा
एउटा सानो बाँसको
दाउराले पनि सम्मान माँग्छ ।
अनि
फेरि
मेरो सिरानीनेर
जुलुस गर्न खोज्छ
एउटा
फ्युजन् प्रतिबिम्व !

समयको बाछिट्टाहरूले चुटेर
निथ्रुँक्क पार्दा
पिडाँलु र मानेको झ्याँङहरूमा
ओतिन्छु भन्यो
हरेउ र सिरिष साँपहरू ,
स्वागत गर्न तम्सिन्छन् ,
अनि
त्यहि बेला
मेरो सिरानीनेर
जुलुस गर्न खोज्छ
एउटा
फ्युजन् प्रतिबिम्व !

गुफाहरू भित्र
सानो घाम बोकेर गयो
हुरी बतास हुँइकिन्छ
त्यहिंबेला निभाउँछ
मेरो टिनको
मट्टीतेलले बल्ने लालटेन ,
अनि
प्रत्युत्तरमा
जुलुस गर्नखोज्छ
मेरो सिरानीनेर
एउटा
फ्युजन् प्रतिबिम्व !

जब नयाँ लुगा र चस्माहरू नै
पुराना जंगली दिनको यादमा
मानव सभ्यताको ब्याख्या गर्छन्
मन भित्रका तितेसो वाक् गर्दै
अनि
संभावनामा
जुलुस गर्नखोज्छ
मेरो सिरानी नेर
एउटा
फ्युजन् प्रतिबिम्व !

बर्तमान कठघरामा
दोषी भएर उभिनुपर्दा ,
चील र गीद्दहरूले
परेवालाइ नै लखेट्दै मार्दा ,
भाग्य पिट्ने ह्याम्मरले
दलिंन भत्काउँन मन लाग्छ ।
अतः
भावावेषमा
जुलुस गर्न खोज्छ
मेरो सिरानी नेर
एउटा
फ्युजन् प्रतिबिम्व !

तपेश्वरी १ , उदयपुर
हालः ( इजरायल )

Related Articles:


Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.

Number of Views for this Poem:2435

Ashok Parthib Tamang – Dharti Ko Harek Kuna Ma

अशोक पार्थिव तामाङ – धरतीको हरेक कुनामा

बिम्व नमिलेर टुक्रिएका केहि धरतीका सिसे-गमलाहरूमा
मानवताका आस्थाहरू रंग हालेर फुल्थेहोलान्
सिरानी राखेर सुतेका अल्छे रहरहरू !
संगठित भएर भालेबास्नु अघि नै जागीसक्थेहोलान्
घृणालाई स्नेहले गोड्दै
आहा! धरतीको हरेक कुनामा यो जखमले घामहरू पुरयाउँन पाए त ।

शताब्दी निदाएका केहि मानवियताका मुर्चुङगा अनि बिनायोहरू !
ट्याउँ-ट्याउँ,टिउँ-टिउँ भाकामा आफै सित बिभाजन भएको
आँगनको ईतिहाँस आत्मकथा रूँदै गुन्जाउँथेहोलान्
उष्णताले सेपिएका धरतीका कापमा पलाएका लेउहरू !
बुट्याँन बनेर मानव बस्तीकाहरूका बगैंचामा फक्रिन्थेहोलान्
चट्टान फोरेर मन रोप्दै
आहा! धरतीको हरेक कुनामा यो जखमले घामहरू पुरयाउँन पाए त ।

हुस्सुको अग्नीमा तापिएको श्रृजनशील मनका हाँगाहरू !
बसन्तको कोपिला बनेर लहलहाउँने थिएहोलान्
कुलो नभेटेका गैरीखेतहरू, रातामाटे डाँडाका प्लाँङ्खर भुमीहरू !
अनाजबृष्टी गर्दै सुडानका भोकहरू भर्नेथिएहोलान्
मानिसको सामुहिक प्रयासमा
आहा! धरतीको हरेक कुनामा यो जखमले घामहरू पुरयाउँन पाए त ।
आकाश बाँड्ने मान्छेको होडबाजीहरू !
धरती चिरा-चिरा पार्ने धर्म बिशेषका रंग र जातियताहरू !
सिङान पुछेर मान्छेले बिसर्जन गर्नेथिएहोलान्
बैरीमा दरिएका मानवताका साईनोहरू !
मित्रताको हात फैल्याउँदै मुसुक्क मुस्काउँथेहोलान्
युद्द त्यागेर शान्ती डाक्दै
आहा! धरतीको हरेक कुनामा यो जखमले घामहरू पुरयाउँन पाए त ।

एक अर्कोमा चिनारी हुँदा-हुँदै जानी-जानी निर्मित तिता क्षणहरू !
पुनर्मिलनको आँधीबेरीले उडाएर पत्कर उडाएसरी लाने थिएहोलान्
ईन्द्रेणीहरू फुलेर क्षितिजभरी अभाव काटेर धेरै सल्लेरी र मानेभञ्ज्याङहरू !
बिश्व ब्रम्हाण्ड नै बयस्क यौवन फक्रिएकी नव दुलही जस्तै देखिन्थिहोलिन्
एकको पिडा अर्कोले बुझ्दै
आहा! धरतीको हरेक कुनामा यो जखमले घामहरू पुरयाउँन पाए त ।

Related Articles:


Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.

Number of Views for this Poem:2435