आनन्दराम पौडेल – पोस्टर
बस्तीका भित्ताभरी
टाँसिएका छन् पोस्टर
पोस्टरमा छ
ङीच्च दाँत देखाएर हाँसिरहेको
नेताको फोटो
ढाकछोप गर्दागर्दै
छोपिन नसकेको कुटीलता
र जतनसँग ढाकिएको आडम्बर
छेउकुनाबाट चियाइरहेको छ।
हजूरआमाले नियालेर हेरिन्
प्रस्ट देखिन् तीखा बङ्गारा
यस्ले केही चपाइरहेको छ
हाम्रो सपना
हाम्रो जीवन
र एउटा सिङगो राष्ट्र ।
कहाँ लगेर जोगाउने होला
नातीनातिनाको भविष्य
सोचमग्न भइन् हजूरआमा
र एक थोपा आँसु झारिन्।
(Sent to Sanjaal Corps via Email)
Sanjaal.com is owned and maintained by Sanjaal Corps, Nepal. The company offers Web hosting and Domain Registration Services, IT Solutions and Business Analysis. Sanjaal Corps develops Open Source Software Development for Android Based Smartphone and Tablet Devices in addition to providing Technical Solutions.We also offer customized data backup, data recovery, data hosting and voip solutions.