Shiva Prakash – Virtuous Maanchhe !

शिव प्रकाश – भर्चुअस मान्छे !

धेरैलाई उस्तै देख्छ
थोरैलाई आफू जस्तै
आफू धेरै हुन सक्दैन
धेरै, थोरै हुन चाहदैन
खुम्चिएर बसेको हुन्छ-
थोरै,
चेतनाको विशाल आयतनमा
एउटा मान्छे जस्तै !

उन्नत छ-
सफेद झूठको खेती
सम्मुन्नति ल्याएको छ -
मान्छे जस्ता देखिने
धेरै मान्छेको जीवनमा धेरै
उ जान्दैन-
धेरैले गरेको खेती
कर्महिन बसेको छ -
एउटा सानो कित्तामा
थोरैभित्र
एउटा मान्छे जस्तै !

बतासमा आकार देख्छ
पानीमा रंग देख्छ
तर केही देख्दैन-
मान्छे जस्ता देखिने धेरै मान्छेभित्र
एउटा भर्चुअस बुद्ध जस्तै
एउटा भर्चुअस मान्छे !

(अश्रृंगार कविता अभियान…)
बोस्टन, अमेरिका

Number of Views for this Poem:2167
Tagged , , , , , , , , , , , , , , , , , , , , , , . Bookmark the permalink.
Add Comment Register



Leave a Reply