• Starting January 2015, only logged in users will have access to read poems published in our website. We encourage you to register to our website. The easy way to do so is to use your facebook account to link to our website. To do so, you can use the login box on the right side of this page and use the button "Login with facebook". Your passwords are stored on Facebook. We only get authentication token from facebook saying that you have a valid login into facebook.

Kedar Shrestha ‘Gagan’ – Taruni Raat

ओएलाएको सूर्य
दिनभरिको थकाइले
क्षितिज पर–परको सगरमा
जब बिलाउँछ
तब झ्याउँकिरीको
झन्झटिलो आवाजसँगै
जंगलतिरबाट निस्कन्छन्
हाप्सीला,
स्याल,

ब्वाँसाहरु
रात हाम्रै त हो नि भन्दै,

दुधकटुवा साँझ
कालरात्रिको आगमनसँगै
तरुनी हुन्छे
र आफूतिर सबैलाई
आकर्षित गर्न भरमग्दुर
प्रयासरत रहिरहन्छे
बालक सूर्यको जन्म नहुन्जेल,

त्यही
वयस्क रातको आडभरोसामा
हाप्सीला,
स्याल,
र ब्वाँसाहरु
निरीह प्राणीहरुको
निर्मम हत्या गरेर
आफ्नो पेट भर्दै
राम राज्य,
मोजमस्ती गरिरहेका हुन्छन्
पूर्वको क्षितिज नउघ्रुन्जेल,
मिर्मिरे नहुन्जेल,
विहान नहुन्जेल,
सूर्य नउदाउन्जेल।

Number of Views for this Poem:2601

Comments

comments

Abhas – Lek Ka Hami Keta Keti

लेकका हामी केटाकेटी, कुहिरो भित्र स्कूल छ
चौरीलाई चराउँदै दिन बित्छ, पढ्नु र लेख्नु मुस्किल छ

हिउँमा कोरेको अक्षर त, एकछिनमा बिलाई जाइजान्छ
दिनभरि हेर्नु छ गाईबस्तु, नहेरे भालुले खाइजान्छ

नागीमा Continue reading

Number of Views for this Poem:5231

Comments

comments

Tirtha Yatri Paudel – Maane Danda Chautariko (Nepali Gajal)

तिर्थ ‘यात्री’ पौडेल – माने डांडा चौतारीको

माने डांडा चौतारीको बर याद आयो
दुई खोलीको बीचको मेरो घर याद आयो

बर्खा लाग्यो खोला नाला बौलाएरे भन्छन्,
पैरो जादा घर छोडेको डर याद आयो

बन पाखा भीर पहरा खोल्सा खोल्सिहरुमा,
घर छाउन शीला खोज्या खर याद आयो

बासी खादै दिन काट्दा बिदेशमा आज,
खुशी साट्दै मिलि खा’को दर याद आयो ॥

लखनपुर ३ झापा,नेपाल
हाल:बहराइन

Number of Views for this Poem:4766

Comments

comments

Binod Ashrumali – Tyasaile Shayad

विनोद अश्रुमाली – त्यसैले सायद

जीवन यात्राको क्रम
अझै टुटेको छैन
आकाङ्क्षाको आकाश
अझै खसेको छैन
हिँडेको पाइला पनि
भेटिएको छैन
पुग्ने ठाउँ पनि
भेटिएको छैन
सायद मेरो तन
मसँग छैन
त्यसैले त बाँच्न पनि मन छैन
मर्न पनि मन छैन ।
मान्छेको ‘दश मन’
अझै देखेको छैन
एउटैसम्मको पनि
अझै पत्तो छैन
कहाँ कता होला
सोधिएको छैन
रूपरङ्ग लिङ्ग वर्ण
केही थाहा छैन
सायद मेरो मान
मसँग छैन
त्यसैले त रुन पनि मन छैन
हाँस्न पनि मन छैन
निर्धक्कको बास
अझै भेटिएको छेन
सञ्चोको गाँस
अझै खाइएको छैन
पानीमाथिका अक्षर पनि
पोतिएको छैन
हावाभित्रको गीत पनि
बिलाएको छैन
सायद मेरो धन
मसँग छैन
त्यसैले त बस्न पनि मन छैन
हिँड्न पनि मन छैन ।

Number of Views for this Poem:1124

Comments

comments

Rabindra Nath Thakur – Naya Taar [From Geetanjali]

सितारका पुराना तारहरु सबै एउटा–एउटा गर्दै खोल, त्यसमा नयाँ
तार जोड ।
दिउँसोको मेला अब शेष भयो, रातको आसन शुरु भयो,
पुरानो स्वरलाई राख्ने कोशिश नगर, त्यसको दिन अब बितिसक्यो !
अब सितारमा नयाँ तार लगाउ !
आकाशको विशाल तिमिर पस्न दिन आङ्खना ढोका खोलिराख !
सात लोकका निस्तब्धता उसँग आङ्खनो घरमा आउन देऊ !
आजसम्म तिमीले जुन गीत गाएका थियौ आज त्यसको अवशेष
भयो,
यमि वाद्य तिम्रा वाद्य हुन्, यो कुरो भुलिदेऊ ।
आङ्खनो सितारमा नयाँ तार लगाऊ !

Number of Views for this Poem:1624

Comments

comments

Shiva Gautam – Mutu Neri Ko Sisneri

शिव गौतम – मुटुनेरिको सिस्नेरी

सिस्नेरी
मेरी जननी, मेरो जन्मभूमि
घाम झुल्कँदाखेरि
घाम अस्ताउँदाखेरि
म तिमीलाई नै सम्झिन्छु
उषा अनि गोधुलिलाई हेरी

कहिले हिलैहिलोको होली खेली
कहिले धुलैधुलोमा Continue reading

Number of Views for this Poem:2429

Comments

comments

Acharya Prabha – Manko Pyas Badhyo Hera

तिम्रो आगमनले मनको प्यास बढ्यो हेर
तिम्रो तस्बिर मनभित्र शूल बनी गढ्यो हेर ।

अन्जान र खाली थियो मनको सँघार मेरो
आशाको सुन्दर महल कस्तो गरी ठड्यो हेर ।

निरशता र अधुरो रहर, मात्र बाँकी थियो
सारा आज खाक भै मेटिएर डढ्यो आज ।

धेरै नाम लेखिए मन भित्रका पानाहरूमा
तर केवल तिम्रै नाम यो अधरले पढ्यो हेर ।

(अमेरिका)

Number of Views for this Poem:1874

Comments

comments

Ratna Shamsher Thapa – Kamana

रत्नशमशेर थापा – कामना
(मधुपर्क २०६६ भदौ)

मौनतालाई टुक्राइदिने सुसेल ए आँधी
भैँचालोले खोलोस् आँखा भाँचेर समाधि ।
आगोको तातो असिना खन्या बादल कुर्लेर
क्षितिज चिर्ने आवाज सुना सागर उर्लेर
बदलिनुपर्छ धमिलो नक्सा सम्पूर्ण धर्तीको
गुञ्जिनुपर्छ एउटै गीत विश्वमा प्रीतिको ।
रगतको रङ चिन्न निर्मल आँखा चाहिन्छ
जीवनको अर्थ बुझ्न सरल भाका चाहिन्छ
उमि्रनुपर्छ मुटुमुटुमा पवित्र भावना
बर्सिनुपर्छ शान्तिको ज्योति मेट्न तिर्सना ।
मौनतालाई टुक्राइदिने सुसेल ए आँधी
भैँचालोले खोलोस् आँखा भाँचेर समाधि ।

Number of Views for this Poem:1800

Comments

comments

Shree Purush Dhakal – Samjhana

श्रीपुरुष ढकाल – सम्झना
(मधुपर्क २०६६ असोज)

सम्झना छ अझै ताजा
वालापनको खेलवाड
हाँस्दै खेल्दै मनाएको
रमाइलो चाडबाड ।

काफल टिप्न रूख चढ्थ्यौँ
गाई चराउन जाँदा हामी
ऐँसेलु टिप्दै खान्थ्यौँ
काँडेदार हाँगा तानी
गर्मी हुँदा पौडी खेल्थ्यौँ
जाडोमा धुनी बाल्थ्यौँ
खोला पुग्दा बल्छी हाल्दै
माछा पोली खान्थ्यौँ ।

कपर्दी र डण्डीबियो
खेल्ने गथ्र्यौ हामी
कहिलेकाहीँ रिसाएर
कुस्ती लड्थ्यौँ हामी
रिसाएको एकैछिनमा
भेटी हालौँ लाग्थो
अँगालेर आपसमा
बोली हालौँ लाग्थ्यो ।

असार पन्ध्र हिलो खेल्दै
दहीचिउरा खान्थ्यौँ हामी
साउने सङ्क्रान्तिमा
लुतो फाल्ने गथ्र्यौ हामी
दसैँ तिहारमा पिङ खेल्थ्यौँ
टीका पनि लाउँथ्यौ
पुसको पन्ध्र घिउखुट्टे
माघमा खिच्रो खान्थ्यौँ
सम्झना छ अझै ताजा
वालापनको खेलवाड
हाँस्दै खेल्दै मनाएको
रमाइलो चाडबाड ।

-ल.पु.,सानेपा

Number of Views for this Poem:3490

Comments

comments

Indra Kumar Sunuwar – Tyag

ईन्द्र कुमार सुनुवार – त्याग

तिम्रो साथ नै मेरो शक्ति
म हु भक्त तिमी मेरो भक्ति
तिर्मो पबित्र प्रेम हो मेरो धन
तिम्रै लागि खाली छ यो मन

तिमी नै हौ रुदा मलाई फकाउने
दुखमा पनि तिमी नै छौ हसाउने
उकालो चड्दा हात समाई तानेउ
ओरालीमा आफू लडि मलाइ थामेउ

यसरी लडेउ फेरि उठ्न सकिनौ
मुटुभरिको बेदना कहिल्यै भनिनौ
आशु पिएर अ मृत पिलायौ
जीबन दिएर किन मृत्यु स्वीकारेउ!

Number of Views for this Poem:1486

Comments

comments