Poem - Acharya Prava - Mero Apil

[admin]

चाहे तिमी मेरो नयनको
अविरल बग्ने आँशु नै बनिदेऊ
चाहे तिमी मेरो अधरको
खुशीको मुस्कान नै बनिदेऊ
त र …तिमी बनिदेऊ
मेरो हर एक्लो पलको साथ
अनि देउ तिमी मलाई मेरो
कमजोरीमा सहारारुपी तिम्रो हात /
जिउन त जिएकै हुं म
कहिले लड्दै उठ्दै
आसुँ र हाँसो पनि सङ्गालेकै हुँ
मनलाई स्थिर गर्दै ,
जब… आयौ तिमी मनको सँघार नाघी
फूल्न थाले आशाहरु
मनका कुनामा ठाउँ मागी
जब छायौ तिमी मेरो जीवनमा
पुर्णेको जून बनी
मैले पनि मान्न थाले तिमीलाई
मेरै मनको देव भनी /
चाहे तिमी मेरो
मनको तृष्णा नै बनिदेऊ
चाहे तिमी मेरो बिछोडको
घाउ नै बनिदेऊ
तर…. हर मेरो रुझेको पलको
आश्वासन रुपी भाव बनिदेऊ /